ဂုဏ်ပြုအပ်သော အမေများအတွက် စာချွန်လွှာ
မိုးလင်းစင်စင်မှမလင်းခင် တောတောင်တွေဆီ ခရီးနှင်ပြီး နေ့စားအလုပ် တစ်နေကုန် ကုန်းရုန်းလုပ်နေရတဲ့ ကျေးရွာလေးတစ်ရွာက ချစ်စရာ ဓလေ့လေးတစ်ခု အကျဉ်းချုပ်လို့ အွန်လိုင်းပေါ် ၀င်ရှုပ်လိုက်ပါတယ်။
လင်းကြက်မှ မမြည်တွန်မှီ မှောင်ရီသန်းစ မပပျောက်မှီ ဘ၀အတွက် တစ်နေ့တာရဲ့ ဒုက္ခတွေကို ရုန်းထွက်နေစဉ် မိခင်ဖြစ်သူတစ်ယောက် ခြောက်ခြောက်တောက်တောက် တောတောင်တွေဆီ နေ့စားအလုပ် ဇာတ်ထုပ်ခင်းနေလေရဲ့။ လယ်ပိုင်ရှင်တို့ ပေးစားအပ်သော ငွေလျှော်ညီအောင် ကြိုးစားလုပ်ရင်း နဖူးလေးမှ ကျဆင်းလာခဲ့သော ချွေးလေးတွေကိုပင် ဂရုမစိုက်အားပဲ မိမိရဲ့ပိုင်ဆိုင်ထားတဲ့ အားအင်နဲ့ ရုန်းကန်နေရှာလေသည်။ မနက်မိုးလင်းလို့ လုပ်အားအကုန် သွန်ပစ်နေခိုက် နေ၏အရောင် တစ်ရှိန်ရှိန်တောက်ပလာလေတော့ လယ်ပိုင်ရှင်တို့မှ အားအင်၏ဖြေဆေး၊ နှလုံးသွေးတို့အစာကျေအောင် နေ့စာတည်ခင်း ပွဲသဘင်ပမာ တောလယ်မှာ ကျင်းပပေးလေသည်။ ထိုအခါ နေ့စားအလုပ် ဘ၀အတွက် ရွေးထုတ်ခဲ့သူအမေ။ နေ့လည်အစာပြေ အင်အား၏ တောရိုးရာဒိုးနပ် အမေမစားရက်ပဲ၊ သိမ်းဆည်းကာယူ သားသမီးများအတွက် သယ်ဆောင်လာခဲ့သူပါ။ အိမ်ဖန်စောင့် နတ်သားလေးနှင့် နတ်သမီးလေးများမှာလည်း တောကအပြန်အမေ ပါလာမည့် တောဒိုးနပ်ကို မျှော်ရင်းစောင့်ဆိုင်း ကစားရင်း။ အင်အားတွေဖြစ်စေမည့် တောမုန့်ဟာ သားသမီးလောက်တော့ အားမဖြစ်ပါဘူးဟု ဖော်ပြပေးသလို ဟာနေတဲ့ဝမ်း သားသမီးများမျက်နှာလေးတွေ မြင်ယောင်ပြီး ယှက်သန်းအပြုံးနဲ့ ချွေးတုပ်တုပ်ကျအောင်ကြိုးစား သားသမီးများရဲ့ ပုံရိပ်လေးတွေနဲ့ ၀ါးမျိုရင်း ရုန်းကန်ခဲ့တဲ့အမေ။ ကလေးဘ၀မို့ မသိတတ်သေးသူများခမျာမှာတော့ တောကအမေပြန် မုန့်ဆီပြန် ပါလာမည်အရေး တွေးရင်း။ ပြန်လာမည့်လမ်းကို မျှော်မှန်းတမ်းတကာ စောင့်စားလျှက် ဆော့တစ်ပြန်
ပျော်မြူး သားသမီးအရူးတွေမှာလည်း "အမေ...တောကပြန်လာရင် မုန့်ပါအောင် ယူခဲ့နော်...တောထဲမှာ အမေတစ်ယောက်တည်း မုန့်တွေ အကုန်မစားပြစ်နဲ့၊ သားတို့သမီးတို့အတွက် ချန်ဦး၊ သားတို့သမီးတို့က ဗိုက်ဆာဆာနဲ့ အမေ့ကိုစောင့်နေရတာ၊ အကုန်မစားနဲ့နော်" ဟု တစ်တွတ်တွတ် မှာရှာလေသော အသည်းမွှာလေးတို့၏ စကားကို နားထဲမှာ အထပ်ထပ်ကြားလေတော့ မစားရက်သူအမေ့မှာတော့ မိခင်များ၏မေတ္တာ ဇာတိပါလာလေသည်။ လုံးဝ မစားခဲ့ပါ။ သည်မုန့်ကို မစားရလို့ နှလုံးသွေးတွေ ဆူပွက်ကုန်စေဦးတော့၊ အသည်းတွေ တုန်ခါလို့ ပုံကာကျချင် ကျပါစေတော့၊ အသားတွေ မှုန်ပြာလို့ နေကြာနွမ်းသလို ဖြစ်စေဦးတော့၊ ငါမစားပြီ။ ဒါလေးတွေဟာ ငါ့သားအတွက်၊ ငါ့သမီးအတွက် ဆိုပြီး ထည်ဝါခန့်ညား အလှတရားပြည့်စုံ တုနှိုင်းမကုန်တဲ့ မိခင်တို့၏မေတ္တာ ထာဝရရှင်သန်သွားခဲ့လို့ တောရွာကလေးတစ်ခု၏ ဓါတ်ပြားတစ်ပုဒ်ကို အကျဉ်းချုပ်ရင်း ပြာသိုလပြည့်အမေ့နေ့မှာ အမေများကို ဤစားသားတို့ဖြင့် ဂုဏ်ပြုလျှက် ကြီးမားလှတဲ့ မေတ္တာတရား တုန့်ပြန်သောအားဖြင့် မညီညာ စာသားများဖြင့် ဖွဲ့သီအပ်ပါသည်။
အမေများ ကျမ္မာပျော်ရွှင် ဘ၀ခရီးကို အကောင်းတွေချည်း ဆုပ်ကိုင်ပြီး ခေမာသောင်ကမ်း တက်လှမ်းနိုင်ပါစေသော်ဝ်။ ။
ပျော်မြူး သားသမီးအရူးတွေမှာလည်း "အမေ...တောကပြန်လာရင် မုန့်ပါအောင် ယူခဲ့နော်...တောထဲမှာ အမေတစ်ယောက်တည်း မုန့်တွေ အကုန်မစားပြစ်နဲ့၊ သားတို့သမီးတို့အတွက် ချန်ဦး၊ သားတို့သမီးတို့က ဗိုက်ဆာဆာနဲ့ အမေ့ကိုစောင့်နေရတာ၊ အကုန်မစားနဲ့နော်" ဟု တစ်တွတ်တွတ် မှာရှာလေသော အသည်းမွှာလေးတို့၏ စကားကို နားထဲမှာ အထပ်ထပ်ကြားလေတော့ မစားရက်သူအမေ့မှာတော့ မိခင်များ၏မေတ္တာ ဇာတိပါလာလေသည်။ လုံးဝ မစားခဲ့ပါ။ သည်မုန့်ကို မစားရလို့ နှလုံးသွေးတွေ ဆူပွက်ကုန်စေဦးတော့၊ အသည်းတွေ တုန်ခါလို့ ပုံကာကျချင် ကျပါစေတော့၊ အသားတွေ မှုန်ပြာလို့ နေကြာနွမ်းသလို ဖြစ်စေဦးတော့၊ ငါမစားပြီ။ ဒါလေးတွေဟာ ငါ့သားအတွက်၊ ငါ့သမီးအတွက် ဆိုပြီး ထည်ဝါခန့်ညား အလှတရားပြည့်စုံ တုနှိုင်းမကုန်တဲ့ မိခင်တို့၏မေတ္တာ ထာဝရရှင်သန်သွားခဲ့လို့ တောရွာကလေးတစ်ခု၏ ဓါတ်ပြားတစ်ပုဒ်ကို အကျဉ်းချုပ်ရင်း ပြာသိုလပြည့်အမေ့နေ့မှာ အမေများကို ဤစားသားတို့ဖြင့် ဂုဏ်ပြုလျှက် ကြီးမားလှတဲ့ မေတ္တာတရား တုန့်ပြန်သောအားဖြင့် မညီညာ စာသားများဖြင့် ဖွဲ့သီအပ်ပါသည်။
အမေများ ကျမ္မာပျော်ရွှင် ဘ၀ခရီးကို အကောင်းတွေချည်း ဆုပ်ကိုင်ပြီး ခေမာသောင်ကမ်း တက်လှမ်းနိုင်ပါစေသော်ဝ်။ ။
0 Response to "ဂုဏ်ပြုအပ်သော အမေများအတွက် စာချွန်လွှာ"
Post a Comment