သံသရာအရှည်နဲ့ ပုထုဇဉ်အရူး
၁။ သံသရာခရီးက အလွန်ရှည်၏။
၂။ ခရီးသွားလူတွေကား အရူးအနှမ်းတွေသာ။
၃။ သူတို့၏ ဂုဏ်ပကာသန ဒါန၊သီလ၊ ဘာဝနာ စားနပ်ရိက္ခာတို့သည် နိဗ္ဗာန်မရောက်ခင်ပုပ်သိုးကြလိမ့်မည်။
၎။ သူတို့၏ အဖော်ဖြစ်သူမှာ အမြဲပါနေသော တဏှာဖြစ်၏။
၅။ သို့ဖြစ်၍ အပါယ်ငရဲရောက်သော်လည်း တဏှာမပျောက်သောကြောင့် သံသရာမှ လွန်မြောက်ဖို့ အဝေးကြီးဖြစ်နေ၏။(အရှင်ဇနကာဘိဝံသ၏ အဆိုအမိန့်များမှ)
ထိုစကားကားမှန်၏။ သံသရာခရီးကား အလွန်ပင် ရှည်လျား၏။ ခုချိန်မှစ၍ တတ်နိုင်သလောက် ပါရမီကိုဖြည့်ကျင့်ရင်း အရူးအနှမ်းဘ၀ကို ကျော်လွန်အောင် ကြိုးစားရပေမည်။ မိမိတို့ ပြုလုပ်ထားသော ဒါန၊သီလ၊ ဘာဝနာတို့သည်လည်း နိဗ္ဗာန်မရောက်မှီစပ်ကြား၌ ကုန်ခမ်းသွားမှုမရှိရလေအောင်ကြိုးစားရပေမည်။ မိမိတို့တွင် ပါနေသော အဖော်တဏှာကို စွန့်ခွါဖို့ကိုလည်း ယခုကတည်းက ကြိုးစားကြရပေမည်။ အကြောင်းရင်းကား တဏှာကို ပယ်ဖျောက်နိုင်မှသာလျှင် နိဗ္ဗာန်ကို လှမ်းကိုင်နိုင်မည်ဖြစ်သောကြောင့် နောက်မကျသေးခင် အလင်းဝင်လို့ နိဗ္ဗာန်ကို လားရောက်နိုင်ကြပါစေ။
0 Response to "သံသရာအရှည်နဲ့ ပုထုဇဉ်အရူး"
Post a Comment